Ola familias!!! Fai uns 15 días, ao chegar a clase pola mañá, atopámonos cun esqueleto!!! Non chegamos a un acordo sobre como chegara ata alí, aínda que moitos dicían que fora Sergio que o trouxera no bús... pero tampouco nos convencía moito esta hipótese xa que ninguén o vira...Decidimos que este ia ser o noso primeiro proxecto deste curso.
Puxémonos ao choio e cada un de nós pintou, aproveitando as cores do outono, unha letra do título do noso novo proxecto "O noso corpo: crecemos" para colocar na zona de información do mesmo. Xa vos iremos poñendo fotos de cómo vai quedando este recuncho.
E tamén, e moi importante, era atopar e decidir entre todos e todas, un nome para o noso novo compañeiro de clase. Despois de anotar diferentes propostas e votar saíu gañador "Sr. Hueso"
Ningún comentario:
Publicar un comentario