CONVIVENCIA COA GALIÑA AZUL

Antes de rematar o curso fixemos unha xornada de convivencia cos nenos e nenas da Galiña Azul que, en setembro, formarán parte do cole: que ganas!!

Desfrutamos escoitando á profe Jeni, xogamos nas aulas e compartimos unha rica merendola. Encántanos ter veciños e veciñas tan chulis!!!

ASÍ PASAMOS O MES DE MAIO FLORIDO E FERMOSO

Comezamos o mes de maio coa excursión máis especial do curso. Subimos no bus e marchamos rumbo á granxa Kiriko onde desfrutamos dunha xornada moi especial: cociñamos, vimos e tocamos animais, aprendemos moitas cousas de vida na granxa, xogamos... e, aínda que a chuvia estivo con nós, pasámolo pipa!!

O máis destacado da semana do 6 ao 10 foi que participamos na elaboración do maio e na preparación das coplas que despois compartimos coas familias (podedes ver máis premendo AQUÍ). Ademais aproveitamos as flores para facer máis actividades: que fermosa é a primavera!

A semana do 13 ao 16 de maio, entre moitas outras cousas, preparamos unha sorpresa para as nosas familias polo día da familia. Tamén comezamos a decorar as camisetas para a festa da lingua e pechamos a semana coa visita dunha protectora de cans e dunha cadeliña preciosa que nos roubou o corazón!

A semana do 21 ao 24 rematamos as camisetas para a festa da lingua e por fin chegou a día de xuntarnos co cole de Ardán e desfrutar dun día chulísimo. Non puido vir Brais das Hortas (estaba pochiño) pero desfrutamos con Asacocirco dun espectáculo que nos encantou! 

Despedimos o mes traballando a tope na investigación das píntegas: aprendemos un montón! Ademais Arnaldo seguiu deixándonos pistas e retos por todas partes, e tamén trozos do mapa do tesouro: que emoción cada vez que atopábamos un!!! 

Ademais esta semana estreamos unhas pezas feitas na impresora 3D do cole, para sacarlle aínda máis partido ao kapla, e foi todo un éxito!!! Demos renda solta a nosa creatividade e non paramos de montar letras, casas, animais...

  

Xa sabedes que nos encanta celebrar os días especiais, e os 3 últimos meses do curso están cargadiños de aniversarios. Comezamos maio celebrando que Theo xa ten 5 anos: parabéns compi!!!

En maio tamén celebramos o aniversario de Artai: parabéns polos teus 5 aniños!!

E por último compartimos un vídeo moi especial coas recomendacións lectoras que comezamos en abril, mes dos libros. Voluntariamente trouxeron os seus libros preferidos para recomendalos, e, dendo logo, descubirmos auténticos tesouros, pero mellor que o vexades vós mesmos: desfrutade o vídeo!

ABRIL DOS LIBROS NA CLASE DE 4 ANOS

Abril está cheo de libros e de actividades especiais, e temon un montón de vídeos, porque sen dúbida foi un mes moi intenso, no que estivemos acompañados pola profe Inés que nos axudou e coidou un montón.

A primeira semana do mes tivemos unha saída ao museo de Pontevedra e desfrutamos moito porque sempre é unha aventura saír do cole en bus rodeados de compis.

  

Na segunda semana, do 8 ao 12 de abril, pasaron moitas cousas! Seguiron chegando retos de Arnaldo en medio de días de traballar un montón. Pero ademais tivemos dous días especiais que merecen vídeos aparte.

Guille, o papá de Mael, respondeu á mensaxe que lle mandamos pedíndolle axuda, e veu a axudarnos na nosa investigación sobre as Píntegas, e, de paso, ensinounos un montón sobre a vida dos vertebrados de Seixo. Pasámolo pipa, pasóusenos a mañá voando e aprendemos un montón: graciñas Guille! volve pronto!

Tamén tivemos a segunda sesión con Cristina, esta vez sobre Ioga e regulación emocional. Desfrutamos un montón. 

A semana do 15 ao 19 seguimos facendo ioga coa profe Inés, que nos ensina moitas cousas. Por suposto seguimos traballando e aprendendo mentres xogamos coas letras, cos números, coas formas, mentres practicamos os trazos...: nótase que imos medrando un montón!

 

Do 22 ao 26 de abril tivemos dúas actividades especiais. Para celebrar a chegada da primavera plantamos flores nas botas vellas e tamén fixemos o apadriñamento lector, para celebrar o día do libro: todas as escusas son boas para compartir tempo cos maiores, e máis si é arredor dun libro!

Ademais abril é o mes no que celebramos máis aniversarios, e na nosa clase non perdemos ningunha oportunidade de facer festa e compartir as alegrías, por iso desfrutamos moito coa chegada dos 5 anos para....

Parabéns XOEL!

Parabéns ALICIA!

Parabéns PAULA!

Parabéns XAVI!

A CLASE DE 4 ANOS DESPIDE O 2º TRIMESTRE

Comezamos marzo con moitas ganas de seguir aprendendo e desfrutando no cole. Deixámosvos unha pequena mostra das construcións tan chulas que facemos para que vexades que desbordamos creatividade! Seguimos achegándonos ás letras, aos números e a moitos outros conceptos de forma manipulativa, vivencial e sobre todo lúdica, porque xogando é como máis aprendemos! Rematamos esta semana co día da muller, falando das mulleres máis importantes das nosas vidas.

 

Na semana do 11 ao 15 de marzo fixemos unha actividade moi chula coa profe Nerea. Contounos un conto dun ourizo e propúxonos facer uns, así que nos puxemos mans á obra! Os ourizos foron unha boa motivación para escribir e preparalos para levar a casa. Seguimos descubrindo xogos de mesa cos que, ademais de pasalo xenial, aprendemos moitos conceptos e poñemos en práctica moitas habilidades. Por suposto aproveitamos os días soleados para merendar de pícnic!

A última semana do mes foi do máis completa, e agora temos con nós á profe Ines, coa que seguro que tamén xogamos e aprendemos un montón. Despedimos o inverno facendo neve e recibimos a primavera cunha andaina con todo o cole, na que a tropa de 5º nos acompañou facéndonos máis sinxelo o camiño. Xogamos ao bingo da primavera que nos encanta e démoslle unha ducha especial a Pepita e Juanita para deixalas ben fresquiñas toda a semana santa. Despedimos o trimestre buscando ovos de Pascua e compartindo rosca: días aproveitados ao máximo!!

 

Este mes celebramos que Andrea xa ten 5 anos: encántanos compartir os días especiais! Parabéns Andrea!

OS PEQUENOS DE TRES SEGUIMOS CRECENDO!!!

 Os pequenos de tres anos seguimos crecendo e xa superamos o segundo trimestre xogando, compartindo e aprendendo unha chea de cousas. Aquí deixámosvos algunhas fotos das cousas tan interesantes e divertidas que facemos no cole. Esperamos que vos gusten!!!

-  Un día en clase atopámonos unha araña que chamou a nosa atención. Aproveitamos este achado para iniciar o proxecto relacionado con "PDI  do cole" deste ano que versa sobre a "flora e fauna de Seixo" . E así, prantexándonos moitas dúbidas e contando coa colaboración das familias, comezou o noso primeiro proxecto "As arañas".

 

Os nenos/as troxeron os seus traballos de investigación que expuxeron os compañeiros/as e relizamos moreas de actividades sobre as arañas , as súas características, curiosidades... Aprendimos moitas cousas sobre elas.

 -Chegou o entroido e ademais de facer diferentes traballamos plásticos como uns chulísimos antefaces na aula de luz disfrazámonos de simpáticas arañas .

 - Tamén traballamos o Día de Rosalía de Castro

- Xogamos con Hervé Tullet...

- Continuamos coñecendo as letras (sobre todo as dos nosos nomes ).

- Traballamos a época do ano na que nos atopamos 

 

- Aprendemos xogando nos diferentes recunchos e con diferentes actividades.

- Coa profe Jeni facemos cosas xeniais e super chulas coa plastilina 

- E como non seguimos celebrando os aniversarios destes meses. Felicidades Azael, Brais e Caty!!!

Esperamos que vos gusten as cousas que fixemos e...disfrutade moito das vacacións para volver con moito ánimo a por o terceiro trimestre!!!

Boas vacacións familias !!!

O 2º TRIMESTRE NA CLASE DE 5 ANOS

Neste trimestre estivemos traballando o  proxecto: "Os piratas". Estivemos investigando sobre qué e cómo eran, partes do barco pirata por fóra e por dentro, qué comían e bebían, as súas enfermidades, un corsario moi importante da nosa zona como Juan Gago de Mendoza,...

Elaboramos o noso código de conduta pirata.

 Algúns compis trouxeron cousiñas de piratas.

Xogamos ao cinquillo coa baralla pirata

Recibimos moitos agasallos dos Reis Magos.

  Traballamos lectoescritura coma sempre a tres niveis (manipulativo, vivencial e tamén simbólico ou gráfico)

 Neste xogo para asociar letras maiúsculas e minúsculas temos que poñer cada gorro no pingüín correspondente.

  Neste xogo, que segue a mesma dinámica que o anterior, tivemos que aparcar cada coche no seu sitio asociando cada letra maiúscula coa súa minúscula

 Xogo de conciencia fonolóxica

 Escribimos e contamos o número de vogais e consonantes

  Realizamos a grafía das letras minúsculas

Xogamos cos nosos nomes en minúscula e despois escribímolos.

No eido da lóxico matemática continuamos facendo xogos. Despois dos xogos facemos o traballo en papel.

  Xogamos co taboleiro do 100 (encántanos)

Xogamos coa casiña de descomposición dos números.

Estamos traballando as formas en 3 dimensións      (cubo, pirámide con base triangular, pirámide con base cuadrangular, pirámide base pentagonal e hexagonal, prisma de base triangular, prisma de base pentagonal,...)

 Xogamos cos discos numéricos.

Xogamos ao cinquillo coas cartas de animais

Xogamos a plumilla postal

Xogamos ao Chaf chof

Estamos practicando cos cordóns dos zapatos pero aínda é un pouco complicado.

Elaboramos pulseiras ensartando abalorios (encántanos e non paramos de facer pulseiras)

Xogamos a facer sumas

Xogamos a ordenar por tamaños, ao "Memori"dos piratas que preparou a profe Nerea e ao "3 en raia".

Xogamos a construír enriba de espellos

Facemos retos co arco da vella

Fixemos xogo de observación do inverno

Xogamos ao "Bingo das partes e órganos corpo humano" para refrescar o que traballamos en 4 anos co proxecto do corpo humano(da gusto ver como aínda nos lembramos de moitas cousas)

Obradoiro "Sonoterapia"

 Traballamos o conto "Voy a comedte" coa profe Jeni.

Xogamos cos dados no patio

Tiñamos olvidadas estas fotos preparando a decoración de Nadal.

Celebramos os aniversarios de Ariadna, Oliver, Leyre e Vera L. Parabéns xa son 6 aniños!!!

BOAS VACACIÓNS!!! VÉMONOS AXIÑA CON GANAS DUN NOVO PROXECTO!!!