RECORDOS E DESPEDIDA DA TROPA DA PROFE ANA

Na aula de 5 anos fixemos unha despedida moi especial na que nos xuntamos todas as nenas e nenos da clase coas familias, e puidemos despedir este ciclo tan especial. Pechamos a caixa coas cápsulas do tempo e compartimos recordos que nos emocionaron un montón, como este vídeo do primeiro ano no cole.

Seguimos recordando o paso por infantil cun resumo do segundo ano no cole... como pode ser que medrasen tan rápido??

E para despedirnos, emocionámonos vendo un vídeo despedida dos nenos e nenas, no que contaron o que máis lles gustou de infantil e o que máis botarán de menos.

Toca cambiar de ciclo, de piso, de profe... pero seguir desfrutando e aprendendo en equipo! Botaremos moito de menos a Saúl pero esperamos as súas visitas e seguro que seguiremos compartindo tardes de parque, de praia...

Ata sempre! Feliz verán tropa bonita!

XUÑO COA TROPA DE 5 ANOS: ÚLTIMO MES EN INFANTIL!

E case sen darnos conta chegou xuño, e con el o último mes en infantil desta bonita tropa... cantas aventuras vivimos estes 3 cursos!

 

Xuño foi un mes cargadiño de actividades e un mes no que vivimos momentos moi intensos e emotivos. Construímos o bus para a nosa obra de teatro, rematamos as cápsulas do tempo e xuntos pechámolas ata 2031, preparamos agasallos para o profesorado, rematamos traballos do curso que levamos para casa... non paramos!!

Para final de curso tocábanos facer unha actuación especial, pero non queríamos bailar, e preferimos facer teatro. A profe propúxonos a obra do chicle e non o dubidamos: encantounos! Ademais de practicar duro para gravar as voces na radio, ensaiamos moito, e notouse ben no resultado porque foi todo un éxito! Aquí vos deixamos o ensaio final. 

O día da graduación foi un día moi especial no que, ademais de graduarnos, estreamos a nosa obra de teatro, estábamos a tope de nervios pero fixémolo de marabilla. Podedes ver un resumo desde día premendo na imaxe da orla.

E por suposto non faltaron as celebracións dos aniversarios, que ademáis tivemos un montón!!! Pablo, Saúl, Dylan, Gala e Eira celebraron 6 voltas ao sol!!

Entre festa e festa, sempre compartindo e aprendendo en equipo, despedimos este último mes en infantil, con moitas ganas de verán e de subir ao piso de arriba: que se preparen en primaria que chega unha nova pandilla!

MAIO NA CLASE DE 5 ANOS

Despedimos maio e non podemos crer que xa estamos no último mes deste curso: o último mes en infantil!! Este mes fixemos un regalo moi especial polo día da familia: decoramos unhas macetas nas que plantamos unhas plantas que son da familia de Pepita, que vive con nós dende que chegamos ao cole, e que teremos que coidar con tanto amor como as nosas familias. Tamén dedicamos moito tempo á nosa cápsula do tempo, que nos fai traballar un montón: medindo, escribindo, aprendendo a facer descricións... 

Un dos días máis especiais do mes de maio foi a excursión que fixemos a "Donde viven los cuentos", un día que desfrutamos un montón e no que fixemos un montón de cousas. Encantounos o espazo, sen dúbida moi recomendable para una excursión en familia.

 

Este ano repetimos as sesións de relaxación e fixemos un baño de gong... que boa falta nos fai relaxarnos!

E por suposto non podían faltar as celebracións, este mes festexamos que Theo e Artai xa teñen 6 anos: parabéns aos dous!

EN ABRIL... COUSIÑAS MIL NA CLASE DE 5 ANOS!!

Abril estivo cheiño de actividades especiais. Podedes ver máis no blog de Arnaldo: o curso de primeiros auxilios polo día da saúde premendo AQUÍ, a despedida do 2º trimestre coa andaina e a busca de ovos de pascua premendo AQUÍ e as lecturas compartidas do día do libro premendo AQUÍ. Neste vídeo tendes un resumo xunto con outras actividades que fixemos na aula.

Pero non todo van a ser celebracións! No día a día non deixamos de traballar un montón e de aprender cousas novas. Non é facil capturar eses momentos, pero aquí tendes unha mostra do moito que traballamos e aprendemos cos xogos de mesa (encántannos!) e o ben que nos movemos, cada vez con máis autonomía, coas propostas de traballo que prepara a profe.

E por suposto non faltaron as festas, que nesta clase temos a primavera cheiña de aniversarios. Este mes tocoulles a Alicia, Paula e Xavi dar 6 voltas ao sol e compartir cos compis recordos moi especiais.

 

MES DE MARZO COA TROPA DE 5 ANOS

Marzo foi un mes cheo de cousas bonitas. Ademais de seguir traballando diferentes rutinas e propostas do día a día fixemos moitas cousas máis. Conmemoramos a semana da prensa xogando con xornais e coñecéndoos un pouco máis: inventamos uns titulares moooi toliños! Preparamos unhas postais cargadas de amor para os compis do cole de Valencia, e tamén fixemos unha saída a Ponte para ver un concerto (podedes ver máis do concerto premendo AQUÍ)

Tamén conmemoramos o día da muller facendo ciencia, cos amigos de Ciencia en movemento, sobre mulleres inventoras, pasámolo pipa!

E por suposto non faltaron as celebracións, e compartimos con Xoel e Andrea a alegría polo seu 6º aniversario!

MES DO ENTROIDO NA CLASE DE 5 ANOS

Febreiro é o mes máis curto do ano pero aproveitámolo mooooitísimo! Durante todo o mes traballamos moito nos disfraces para o desfile. Entre todos eliximos de que queríamos ir, e, pouco a pouc,o fomos facendo os nosos matraces, deseñando, cada un, o seu experimento. E sen darnos conta traballamos as medidas, as cores, os tamaños, escribimos... e por suposto manchámonos moito, iso si, tamén recollemos entre todos sempre deixando todo limpísimo!

 

   

Outra das cousas que fixemos este mes foi un experimento moi divertido que nos deixou coa boca aberta. O papá de Mael mandounos uns trociños de xeo seco, e experimentamos mesturándoo con diferentes líquidos. É mellor que vexades o resultado, porque é difícil explicalo con palabras, e as imaxes contan moito máis.

 

Este mes tamén celebramos o día da radio cun obradoiro moi especial no que participou todo o cole, podedes ver un resumo premendo AQUÍ. E si queredes vernos en acción, aquí vos deixamos un resumo, en forma de vídeo, do programa da nosa clase.

 

E tamén deixamos por aquí o resultado do noso obradoiro, un programa divertidísimo que pode axudarvos a planificar as vacacións jejeje.

Este mes tamén celebramos o día do amor e da amizade, adicando cancións na radio e facendo uns traballos cheíños de amor para as nosas familias: somos moi artistas e temos moito amor para repartir!!

Tamén vos deixamos un resumo dun espectáculo de maxia improvisado que tivemos en clase: alucinamos!

E rematamos o mes celebrando o entroido a tope. Durante a semana pasámolo pipa coas ordes do mandadiño e o venres despedimos febreiro lucindo os nosos disfraces e festexando o entroido con moita ilusión! Graciñas un ano máis por ser unhas familias tan enrolladas e facer uns matraces tan chulos para desfilar con nós!

 

Premendo AQUÍ podedes ver un resumo do entroido no cole. 

ARRANCA 2025 NA CLASE DE 5 ANOS

Comezamos 2025 abrindo os agasallos de Nadal que nos esperaban en clase, incluída unha sorpresa de Pupi na que nos encargou facer unha cápsula do tempo (xa vos contaremos máis...). Comezamos o ano estreando xogos novos, con moitas ganas de artistear, moi motivados para traballar coa lectoescritura e as mates: temos moitas ganas de ler e escribir! Xogar coas medidas foi algo que nos encantou! Despedimos xaneiro coa carreira da paz na que tan ben o pasamos.

 

E algo moi importante de xaneiro foi o aniversario de Iago, o maior da clase que xa ten 6 anos: parabéns Iago!!

A CLASE DE 5 ANOS DESPIDE 2024

Comezamos decembro con moita ilusión esperando a chegada de Pupi, que non deixou de sorprendernos dende o primeiro día. Este ano veu cargado de propostas creativas e agasallounos con materiais chulísimos para facer artistadas na clase. Esta semana tamén falamos moito das persoas con diversidade funcional e, con este tema, fixemos actividades moi especiais. Por suposto comezamos a facer cousiñas de Nadal para decorar o cole, a clase...

Seguimos a tope coas propostas de Pupi para decorar a porta, facer estrelas para o festival, comezamos a facer uns portavelas para decorar na casa, as postais... non paramos!!! Tamén coñecimos a deportistas do clube Tamiar: quedamos pasmados!!

En decembro estivemos ensaiando moito a nosa panxoliña, e a profe grabou un ensaio porque dicía que daba gusto vernos... a verdade é que o fixemos suuuuper ben! No blog de Arnaldo podedes ver a nosa actuación estelar (accedede premendo AQUÍ)

A última semana aproveitámola a topísimo! Fixemos moitísimas cousas entre os plans do cole e as propostas de Pupi: rematamos decoracións, postais, portavelas, cociñamos, saímos a correos, tivemos sesión de cine, estivemos na Galiña Azul de visita... e o último día non paramos entre festival, chocolatada, coa visita de Papá Noel... Tiñamos as vacacións máis que merecidas!! No blog de Arnaldo podedes ver máis actividades deste Nadal (accedede premendo AQUÍ)

Chegounos unha mensaxe que seguro que foi cousa de Pupi que falou con Papá Noel... que ilusión!!

NOVEMBRO NA CLASE DE 5 ANOS

Comezamos novembro con ganas e aproveitando moito o tempo, tanto na aula como no patio, porque o tempo fóra tamén está cheo de aprendizaxes con outras clases, o cal é moi enriquecedor. En novembro, todos os venres tivemos unha sesión con Vero, de Rexurdir, coa que estamos traballando as emocións, a resolución de conflitos...

A mediados de mes fixemos un obradoiro, grazas ao Concello de Marín, para traballar o día contra a violencia de xénero. Fernando e Eloi, de Prixma, fixeron, na nosa aula, un obradoiro de Stop Motion. Traballamos un montón toda a mañá: aprendemos que é un Stop Motion e vimos exemplos; pensamos un guión para representar; fixemos personaxes, escenario e aterezo; practicamos co noso corpo os movementos dos bonecos e vimos que tiñamos que facer un montón de fotos! Finalmente, con axuda de Eloi e Fernando, fomos movendo as personaxes e facendo as fotos. Estamos desexando ver a montaxe final con outros coles de Marín!

Novembro segue avanzando e nós pensando na sorte que temos porque, onde vivimos, os nenos e nenas temos moitos dereitos, e reflexionamos moito sobre isto polo día da infancia. Tamén seguimos facendo propostas creativas con tesoiras e pegamento, que nos encanta e nos axuda a traballar moitas destrezas, igual que as artistadas que facemos co profe Óscar. Seguimos achegándonos aos números, ás medidas, ao cálculo... traballando a lóxica matemática de forma manipulativa; o mesmo que a lectoescritura, coa que cada día temos máis motivación e ganas! Esta semana recibimos unha visita moi especial: encántanos que veñan compis de outras clases a ensinarnos o que aprenden e aprender xuntos!

E despedimos este mes compartindo un xogo novo, do Argalladoiro do cole, e que collemos prestado para fuchicar e ver cantas posibilidades ten. Chámase KORBO, e chegou entre o material de Polos Creativos. Sen dúbida vainos dar moitas horas de diversión e axudaranos a traballar moitos conceptos e destrezas.

 

DESPEDIMOS OUTONO NA CLASE DE 5 ANOS

Comezamos outubro a ritmo total, moi cómodos na aula e con moitas ganas de aprender e desfrutar en equipo. Esa é unha das cousas ás que lle dedicamos moito tempo: tratarnos ben, respectarnos... porque somos como unha familia! Cada día traballamos a mellor ritmo e seguimos desfrutando moito do patio, do xogo libre (con propostas nas que aprendemos moito sen darnos conta) e das posibilidades que nos ofrece o cole (como a biblio na que xa collemos moitos libros e xogos).

Outubro segue e nós xa temos collido o ritmo de facer cada día o caderno do tempo, que nos axuda a ser máis observadores, e tamén a traballar as mates de forma práctica. Entre as actividades especiais que fixemos destacamos un obradoiro de cociña no que, coa axuda do profe Óscar, fixemos unhas galletas deliciosas no Argalladoiro do cole, que ten unha cociña chulísima! Neste vídeo veredes o ben que traballamos en equipo: así é todo máis fácil!

Esta semana tivemos un obradoiro moi especial, con David e Yolanda de Arenaria, no que falamos da ciencia e dos seus procesos, para meternos de cabeza no proxecto deste curso: "Argallando ando". Démoslle moito á cabeza, expoñemos moitas hipóteses, comprobamos que pasaba en diferentes situacións... e quedamos coa boca aberta!

 

A última semana do mes, que foi moi cortiña, metémonos de cheo nas actividades de Samaín. En clase fixemos cousiñas para decorar e desfrutamos da maxia da aula de luz para alucinar cos fantasmiñas que fixemos. Ademais participamos e desfrutamos das actividades conxuntas de todo o cole: lectura ás escuras, exposición de cabazas e merendola todos xuntos. Xa vedes que os nosos disfraces eran terroríficamente divertidos!

E por suposto non nos esquecemos da celebración máis especial do mes: Mael xa ten 5 anos! Desfrutamos moito coa visita da súa nai e do seu pai que compartiron cousas moi chulas con nós. Que emoción ver canto medramos!

ARRANCAMOS O ÚLTIMO CURSO DE INFANTIL

Chegou setembro e con el comezamos o noso último curso en infantil! Con moitas ganas de reencontrarnos e de seguir aprendendo e desfrutando xuntos, comezamos con moita enerxía. Desfrutamos xogando xuntos, contándonos aventuras do verán, redescubrindo a aula, o patio, cousiñas novas do cole... imos aproveitar a tope este curso!

 

Por suposto non perdemos as ganas de celebrar os días importantes e os aniversarios merecen unha boa festa. Este curso invitamos á familia para coñecernos un pouquiño máis, ver recordos especiais... Roi foi o primeiro en celebrar que xa ten 5 anos, e veo acompañado de papá e mamá cos que desfrutamos moito coñecéndoo un pouquiño máis.

 

 

Ariani, que tamén cumpriu 5 en setembro, foi a segunda en celebralo con nós e cos seus pais cos que pasamos un ratiño moi agradable (e xa planeamos unha excursión a Bali jejeje).

 

Este ano faremos unhas camisetas moi especiais nos aniversarios, e un recordo cargado de arte e de palabras bonitas das que alegran o corazón. 

O 2º TRIMESTRE NA CLASE DE 5 ANOS

Neste trimestre estivemos traballando o  proxecto: "Os piratas". Estivemos investigando sobre qué e cómo eran, partes do barco pirata por fóra e por dentro, qué comían e bebían, as súas enfermidades, un corsario moi importante da nosa zona como Juan Gago de Mendoza,...

Elaboramos o noso código de conduta pirata.

 Algúns compis trouxeron cousiñas de piratas.

Xogamos ao cinquillo coa baralla pirata

Recibimos moitos agasallos dos Reis Magos.

  Traballamos lectoescritura coma sempre a tres niveis (manipulativo, vivencial e tamén simbólico ou gráfico)

 Neste xogo para asociar letras maiúsculas e minúsculas temos que poñer cada gorro no pingüín correspondente.

  Neste xogo, que segue a mesma dinámica que o anterior, tivemos que aparcar cada coche no seu sitio asociando cada letra maiúscula coa súa minúscula

 Xogo de conciencia fonolóxica

 Escribimos e contamos o número de vogais e consonantes

  Realizamos a grafía das letras minúsculas

Xogamos cos nosos nomes en minúscula e despois escribímolos.

No eido da lóxico matemática continuamos facendo xogos. Despois dos xogos facemos o traballo en papel.

  Xogamos co taboleiro do 100 (encántanos)

Xogamos coa casiña de descomposición dos números.

Estamos traballando as formas en 3 dimensións      (cubo, pirámide con base triangular, pirámide con base cuadrangular, pirámide base pentagonal e hexagonal, prisma de base triangular, prisma de base pentagonal,...)

 Xogamos cos discos numéricos.

Xogamos ao cinquillo coas cartas de animais

Xogamos a plumilla postal

Xogamos ao Chaf chof

Estamos practicando cos cordóns dos zapatos pero aínda é un pouco complicado.

Elaboramos pulseiras ensartando abalorios (encántanos e non paramos de facer pulseiras)

Xogamos a facer sumas

Xogamos a ordenar por tamaños, ao "Memori"dos piratas que preparou a profe Nerea e ao "3 en raia".

Xogamos a construír enriba de espellos

Facemos retos co arco da vella

Fixemos xogo de observación do inverno

Xogamos ao "Bingo das partes e órganos corpo humano" para refrescar o que traballamos en 4 anos co proxecto do corpo humano(da gusto ver como aínda nos lembramos de moitas cousas)

Obradoiro "Sonoterapia"

 Traballamos o conto "Voy a comedte" coa profe Jeni.

Xogamos cos dados no patio

Tiñamos olvidadas estas fotos preparando a decoración de Nadal.

Celebramos os aniversarios de Ariadna, Oliver, Leyre e Vera L. Parabéns xa son 6 aniños!!!

BOAS VACACIÓNS!!! VÉMONOS AXIÑA CON GANAS DUN NOVO PROXECTO!!!