ÚLTIMO BOLETÍN ACTIVIDADES 3 ANOS

Ola familias!!!

O curso chega ao seu fin e esta semana é a última das publicacións de infantil, polo que pensamos que era unha boa idea, deixarvos algunhas orientacións e consellos para xogar e traballar cos peques este verán.

Estes "deberes de verán" teñen como obxectivo ser consellos para xogar e gozar cos vosos fillos/as de maneira lúdica e divertida, en calquera situación e contorna, para que continuedes axudándoos a seguir madurando e crecendo nestes meses estivais.

Este curso foi diferente ós demais e por iso teño que dar as grazas polo voso esforzo, o traballo realizado dende vosas casas, a vosa comprensión... pero sobre todo quero resaltar o gran esforzo deses pequenos/as grandes campións que tendes na casa e que souberon e saben levar esta situación cunha capacidade de adaptación sorprendente!!! . Agora é tempo de falar de vacacións, de desfrute, de descanso, e a pesares de que aínda nos queda un pouquiño de tempo, pronto, seguro , volveremos a estar e a desfrutar xuntos!!!

* * * * * * * * * *

"Deberes de verán para toda a familia"

1. Saír ao campo para xogar con paus, pedras, auga, terra... sen medo a mancharvos 

2. Ler contos xuntos, deixar que sexan eles os que nos "lean", confeccionar historias, debuxalas... 

3. Sorrir mesmo neses días nos que vos sacan de quicio, poñer límites ao enfado para pasar por alto algunhas cousas 

4. Ser nenos xuntos: deixar que vos lembren o que é ser nenos e desfrutar xogando (saltar na cama, loita de almofadas, guerras de auga...) 

5. Montar en bicicleta, bailar, xogar un partido, patinar... 

6. Facer xuntos castelos de area na praia 

7. Facer excursión xuntos e visitar sitios novos de cando en vez, non ten que ser algo caro au afastado, pode ser unha tenda, un campo, unha praia... 

8. Ir a algún museo e facer unha visita a súa altura (temos algúns moi preto) 

9. Cazar bechos e aprender deles 

10. Pasear ao seu ritmo e deixar que vos ensinen o que atopen no camiño. 

11. Xogar con eles a xogos tradicionais: saltar a comba, construcións, bolos, cartas, veo-veo, chapas... 

12. Facer pícnics 

13. Compartir as tarefas sinxelas da casa, poñer a mesa, limpar o po, recoller os seus xoguetes, cociñar xuntos receitas sinxelas... 

14. Falar da cor das cousas,da súa forma, tamaño... buscalas na contorna, preguntarlle por elas...

15. Tamén é un bo momento para: 

- Cortar con tesoiras, rasgar, engurrar papel...

- Xogar coas letras (maiúsculas e os números, buscalas nos contos, nos folletos, nos carteis, nas matrículas...)

- Contar obxectos, animais, preguntarlles cantos hai... 

16. Deixar que se vistan sós e mesmo que algún día elixan a roupa, que se aseen sós, que coman sós...(aínda que nós esteamos sempre diante). 

17. Darlle liberdade e autonomía de decisión en todo o que sexa posible 

18. Desfrutar a tope todos os días do verán , cada momento xuntos deixará unha pegada nas súas vidas 

19. Darvos moitos bicos e apertas, e dicirvos cada día o moito que vos queredes 

20. Falar moito con eles e elas, escoitalos, preguntarlles como se senten, sobre o que fixo durante o día,o que máis lle gustou ou sobre os planes para o día seguinte.. (é un bo momento aproveitar a hora de deitalos). 

Moitos bicos e apertas a todos e todas e desfrutade moito as vacacións!!! Verémonos de novo en breve, para gozar e aprender xuntos con máis desexo e forza.

Desfrutade cos vosos fillos e fillas!!!

ÚLTIMO BOLETÍN ACTIVIDADES 5 ANOS

Bo días familias! Bo día e boa última semana de actividades!

A semana próxima, as titoras deixamos paso no blogue ás actividades da nosa querida BIBLIOTECA para o verán.

Así que, me DESPIDO de vós con moitísimos bicos e apertas. Foi un curso chulísimo ata onde o puidemos vivir... Vouvos mandar un enlace a un álbum compartido en DRIVE para que poidades ter as fotos de TOOODO (máis ou menos) o que fixemos, por email.

Moitas grazas a todas as mamás e papás que estiveron pendentes de seguir en comunicación comigo e co cole, enviando traballos, solicitando recursos e poñendo mil ideas en práctica polo ben dos nosos queridos peques. Noraboa, resistentes!!!

Unha vez máis, darvos a turra con que NON DEIXEDES NUNCA DE LER E DE FACER CÁLCULOS MENTAIS SINXELOS. Por favor, por favor!!! Iso é clave 😉

Polo demáis, estas posibilidades pódenvos abrir algunha nova ruta... Espero que vos gusten tanto coma min! Apertas outra vez!

Feliz verán, tan merecido!!!

10º BOLETÍN ACTIVIDADES DE 3 ANOS

Ola familias!!!

Que tal todo? Como o estades levando? espero que todo vaia ben e que disfrutásedes do bo tempo que tivemos e da volta á normalidade que pouco a pouco imos conseguindo. Tal e  como nos dí Arnaldo, cada día que pasa é un mais pero tamén un menos para volver a estar xuntos así que moita forza e non esquezades ser responsables!!!

Esta semana imos traballar con flores e elementos naturais.

- ACTIVIDADE 1: Mandalas feitas con elementos naturais: cunchas, flores, pedras, follas...

danmala.com

babytribu.com

- ACTIVIDADE 2 : Traballamos as grafías.

• Facemos a grafía dos números e a asociamos á cantidade. Coas flores e follas que recollemos (tamén o podemos facer con pedras) facemos a grafía dos números e poñemos ao lado a cantidade (número 3 tres flores por exempo)

 Imaxes sacadas de @educant_amb_el_cor

•  Grafomotricidade con elementos naturais.

@aprenderconellos

• Grafismo creativo:

- ACTIVIDADE 3: Clasificamos

•  Clasificamos flores pola sua cor

• Clasificamos  as partes das flores: collemos tres recipientes e clasificamos en talos, follas e pétalos

munchkinsandmoms.com

- ACTIVIDADE 4 : Facemos ramos de flores

cra vilaboa

- ACTIVIDADE 5: Xogamos con adiviñas relacionadas coa primavera. A ver cantas adiviñades?

- ACTIVIDADE 6: Experimento "Tinguimos flores"

Información sacada de guiainfantil,com

Este é un experimento no que soamante precisamos auga e colorante alimenticio.

Seguindo estes sinxelos 4 pasos podemos levar a cabo a nosa actividade. Imos velos. 

1. Enchemos os tarros ou vasos con auga. Non hai que encher moito; dous ou tres dedos é suficiente. 

2. Engadimos tantas gotas de colorante alimentario como sexa necesario. Canto máis use, máis cor tomará a auga. 

3. Usando un coitelo, cortamos as flores en diagonal sobre o talo. Co mesmo coitelo ou un rascador, intenta rasgar un pouco o talo para que a auga penetre mellor na flor. Como podedes imaxinar, este é un paso que debe facer un adulto para evitar contratempos. 

4. Poñemos as flores dentro de cada bote ou vaso con auga e déixelas repousar dous ou tres días nun lugar seco e con pouca luz solar. Deste xeito, facilitaremos a fotosíntese e a absorción de auga. 

Repetimos estes catro pasos usando diferentes cores para obter un ramo de flores do arco da vella.

Aquí rematamos por hoxe ... Espero que pasedes unha boa semana, que disfrutedes das saídas e paseos e vémonos nuns días !!! Moito ánimo!!!

9º BOLETÍN ACTIVIDADES DE 3 ANOS

Ola familias:

Outra semana estou aquí para deixarvos actividades que espero que aos nenos e nenas  lles gusten e que disfruten facéndoas . Moitas grazas polas actividades que me envíades; Xa vexo que son uns super campións e que traballan de marabilla. Tamén encántame velos tan ben e tan maiores !!!
 Esta semana a profe Laura de Audición e Linguaxe, no blog de orientación, deixanos un vídeo e unha actividade moi interesantes sobre o fonema /s/ para os nenos e nenas de 3 e 4 anos. Déixovos o enlace. Botádelle un ollo.

Antes de poñervos as actividades quero indicarvos a maneira correcta de coller o lápiz xa que a estas idades é importante que fagan ben o agarre. Como eu lles digo na clase "el gordito y su amiguito" 

Educaplanet

As actividades que vos propoña esta semana son:

- ACTIVIDADE 1: Grafismo creativo. Esta vez imos traballar o grafismo dunha forma creativa. Estos serian exemplos de como facelo:

• Debuxamos círculos de diferentes cores e temos que levar cada círculo a parte de abaixo evitando tocar os demáis circulos. Podemos traballar as cores se teñen que unir empregando a mesma cor que o círculo

@spanischprojekt

• Círculos nos gomets. Pegamos os gomets polo folio e facemos círculos  ó redor

creciendofelicescampanar.blogspot...

• Trazos verticais e horizontais

creciendofelicescampanar.blogspot...

• Semicírculos

creciendofelicescampanar.blogspot...

 Plantillas:

- ACTIVIDADE 2: Traballamos as letras. Grafias e discriminación auditiva

  1. Traballamos as letras con pinturas. Facemos a plantilla que eles e elas teñen que reproducir despois empregando ceras ou lápices de colores. En principio soamente nos fixamos na forma pero podemos ampliar a dificultade se, ademáis da forma, teñen que fixarse na cor dos lápices.

    Imaxes sacadas de @proffan_

  2. Xogamos cos nomes. Esta vez a proposta é moi divertida. Trátase de atopar obxectos  que comencen con cada unha das letras que compoñen o seu nome:

Neste caso:

J- Jabón  U-Uno  L-Libro   I-Iguana     A-Arcoiris

   Outra forma de xogar é a inversa. Neste caso que vos acabo de poñer trátase de colocar as letras, facer o son e ir buscando obxectos pero tamén podedes coller diferentes cousas, pronunciar o nome e ir buscando as letras polas que comenzan ou buscar as letras nas palabras como no seguinte exemplo:

@laclasedevirtu

 Neste caso collemos diferentes cousas, escribimoslles as palabras en maiúsculas e teñen que rodear as letras que están nos seus nomes.

- ACTIVIDADE 3: Xogamos cos números e cantidades. Empregamos pinzas nas que poñemos os números e cantidades (con puntiños e teñen que unir cada número coa cantidade.

@thedadlab

- ACTIVIDADE 4: xogamos coas cores e clasificamos

- ACTIVIDADE 5: Experimento. 

       Para facer este experimento precisamos:

•  Un bote de vidro transparente con auga
•  Un bote máis pequeno con aceite
•  Colorante alimenticio de diferntes cores

 

 1.- Enchemos o bote de vidro grande con auga

 2.- Enchemos o bote pequeno con aceite

 3.- Botamos pingas de colorante alimenticio

 4.- Mezclamos con  axuda dunha culler

 5.- E por último botamos a mezcla no bote grande.

 Bueno familias aquí remato. Espero que teñades unha boa semana e que desfrutedes en familia desta volta á "normalidade".  

 Esta semana vou a poñerme en contacto con todas as familias para establecer unha hora para a recollida de material que será o luns día 8 de xuño.

 Unha apreta a todos e todas!!!

9º BOLETÍN DE ACTIVIDADES DE 5 ANOS

HOLA FAMILIAS!!!

Aquí vos deixo a nosa antepenúltima publicación de actividades.
Esta semana tamén vos seguirei chamando e vos darei información sobre a recollida de material.

Pero antes, ollo!!!! Porque...

Actividade 1, de DEBUXO DE FIGURAS DE ANIMÁIS
Cantos animáis coñeces e eres capaz de debuxar? De granxa, da selva, do bosque?

Aquí vos deixo un feixe de IDEAS... intentade facer o animal enteiro. Se fai falta, copiade a partir de FOTOS DE INTERNET.

Por se acaso así vos resulta moi complicado, vos deixo un par de enlaces para descargarvos fichas, pero a min gústame moitísimo máis OS AUTÉNTICOS DEBUXOS DOS PEQUES:

http://mundobichejos.blogspot.com/2014/03/dibujos-de-animales-salvajes-para.html

https://webdelmaestro.com/dibujos-colorear-animales/amp/https://pin.it/5b3g10C

Actividade 2, de ATENCIÓN E MEMORIA

Estas son ideas de xogos que estimulan a CONCENTRACIÓN, BASE DE CALQUERA APRENDIZAXE:

Nesa web tedes varios.
Neste outro enlace hai un montón de actividades desta temática para descargar/imprimir: https://pin.it/3fNBusA
Aquí tedes un dominó de ideas moi chulo para descargar: https://www.juegoideas.com/materiales/domino-para-ninos/

Actividade 3, de EXPERIMENTOS

Aquí vos deixo o enlace: https://pin.it/6YLUf7a

Actividade 4, de ARTE
Vale, esta proposta é incriblemente manchona, pero como agora fai calor e moitos de vos tedes espazo natural, por se vos animades a compartir cos peques una PINTURA ALUCINANTE

Por se acaso non queredes manchar tanto (conste que a témpera ou a acuarela se limpa con auga), aquí vos deixo un enlace a ideas de pintura creativa un pouco máis simples: http://www.mundoderukkia.com/2016/08/actividades-verano-pintura.html


Actividade 5, de NÚMEROS
Este xogo dos BOLOS de reciclaxe sirve para SUMAR OS PUNTOS QUE GAÑAS, e ao mesmo tempo, traballar a COORDINACIÓN ÓCULO-MANUAL (vista e man funcionando ao mesmo tempo), que é importantísima para a LECTURA E A ESCRITURA.
Por suposto, podedes poñer NÚMEROS MÁIS ALTOS, se as sumas elementais xa as teñen dominadas.

Tamén o podedes facer TIRANDO DADOS ou nun papel. INSISTO EN QUE CANTO MÁIS O FAGAN MANIPULANDO, A TRAVÉS DUN XOGO, MOITÍSIMO MELLOR QUE EN PAPEL:

Por último, unhas recomendacións e aclaracións.

Sabemos que estades preocupados. Preocupados polo baleiro destes meses na formación escolar dos vosos fillos. É natural. Sinceiramente, nós tamén estamos preocupados. Non entanto, cada un dos colectivos, familias e profesores, temos que ocuparnos PRINCIPALMENTE do noso cometido. 

O que máis ben lles vai facer, indubitablemente, é que fagades ben o voso traballo de crianza e de normas de educación, de actitudes, de COMPORTAMENTO. Iso só podedes facelo vós. Aproveitade este tempo compartido para reflexionar sobre o voso estilo educativo e reforzar puntos febles. Nós, pola nosa banda, xa nos estamos ocupando dos plans de reforzo para o ano próximo, estade tranquilos. 

Bicos e apertas mil, Ana. 💚