UNHA TROPA DE DESFRUTONES DESPIDEN O SEU PRIMEIRO ANO NO COLE!

Parece que foi onte cando 15 valentes nenos e nenas chegaron ao cole de Seixo cargados de nervios, e con moita ilusión, pero xa pasaron 9 meses e acaban de despedir o seu primeiro ano no cole cheos de enerxía e alegría: que tropa de desfrutones!!!

Cantas cousas especiais pasaron este mes! Ademais do traballo do día a día fixemos moitas cousas diferentes: temos moito que contar! A primeira semana, do 5 ao 9 de xuño, pasou algo moi especial: "medrou" herba no soportal!! Alucinamos un montón e desfrutamos dela dende o primeiro momento. A verdade é que todo o noso patio é un auténtico tesouro e nel vivimos moitas aventuras!!!

Pero, sen dúbida, o máis especial desa semana foi a excursión de fin de curso. Aínda que a chuvia nos fixo dubidar, puidemos aproveitar o día a tope: acuario, barco, illa.... un diazo!!! Aquí tendes un super vídeo cargado de recordos dun día inesquecible.

Na semana do 12 ao 16 puxémonos a tope a rematar as cousas da exposición. Despois de ver os peixes no Acuario, xa estábamos listos para facer os nosos peixes ao estilo de Luca Paroli: traballamos un montón e fixemos auténticas obras de arte! Esa semana tamén celebramos o día da bicicleta: un transporte 100% RqueR! (Podedes ver máis do dia da bicicleta premendo AQUÍ)

Despedimos esa semana celebrando que Ariani, Roi e Gala teñen 3 anos, e antes de comezar o próximo curso cumprirán 4. Fixemos unha festa con eles e démoslle o agasallo especial coas nosas pegadas: canto nos gustan as festas!!!

A última semana, do 19 ao 21, foron tres días cargados de actividades especiais: xogamos as finais das competicións deportivas, participamos nunha masterclass de zumba, fixemos unha despedida especial (con graduacións, merenda conxunta....). O mellor é que pasedes polo blog de Arnaldo (podedes facelo premendo no nome de cada unha das actividades). A maiores, aquí tendes algunhas imaxes nosas deses días.

A última semana celebramos que antes de rematar o mes, Eira e Dylan cumprirán 4 anos, e tamén celebramos os 3 de Saúl. Desfrutamos dunha merenda especial e dun bailoteo que tanto nos gusta.

A exposición final foi un auténtico éxito, chea de traballos incribles que podedes ver premendo AQUÍ. Todo o alumnado e o profesorado fixemos un gran esforzo para demostrar que reciclando, reutilizando.... e con todas as ERRES pódese facer arte de categoría!! Neste pequeno vídeo podedes ver o que fixemos na nosa clase: un cadro feito de cartóns vellos, os peixes ao estilo Luca Paroli e a Xacia Luviñas que nos ensinou moitas cousas.

Así versionamos o conto da Xacia Luviñas, un conto de Anxo Moure co que aprendemos como podemos coidar a natureza e tamén ás persoas que nos rodean: somos uns actorazos!!!

Oxalá este curso deixe en cada peque unha pegada tan grande coma na mestra!!!

O ano que ven máis e mellor!!

O 3º TRIMESTRE NA CLASE DE 4 ANOS

 Neste último trimestre estivemos traballando o proxecto "Os Golfiños".

 Coa chegada da primavera introducimos propostas novas.

Polo Día do libro elaboramos uns marcapáxinas moi especiais!

 

Tamén polo Día do Libro contamos o conto da "Eiruga larpeira" co Kamishibai que preparamos coa profe Bea.

 Por suposto, fixemos a nosa propia bolboreta que como no conto saíu do seu casulo.

Polo Día das Letras Galegas fixemos uns xogos para coñecer a Francisco Fernández del Riego e fixemos un retrato del. Ademais elaboramos uns carteis con palabras en galego relacionadas coa natureza que empregamos na andaina pola lingua que fixemos ata A Pradeira.

 

 

 Investigamos a unha artista moi especial, Judith Scott coñecida como a muller araña.

 

Aprendemos xogando

Conciencia fonolóxica 

Escaleira dos números de Bob Esponxa ata o número 50.

Xogamos coas casiñas do 0, do 10, 20 e 30.

Ordenamos as cartas dos pauciños.

Xogamos coas cartas dos animais.

Repasamos letras e números

Xogamos coas pedras de cores a facer formas xeométricas

Decoramos letras dobres

Xogamos na aula de luz

Xogamos coa plasti a facer letras

Para conmemorar o Día da familia  plantamos amorodos para regalarlles as nosas familias.

Elaboramos a nosa propia escultura con material de refugallo.

Fomos de excursión de fin de curso

Celebramos o Día da bici no cole.

 

Celebramos os aniversarios de Zeltia, Sabela, Anxo Riveiro, Antón e Anxo Ave.

 

BOAS VACACIÓNS. 

VÉMONOS EN SETEMBRO!

E CASE SEN DARNOS CONTA... MAIO VOOU!!

O mes de maio na clase de 3 anos foi do máis completo, e é que este mes no cole foi moooi intenso!! Xa vos contamos que tivemos moitos aniversarios este mes (podedes velos premendo AQUÍ)

A primeira semana do mes foi moi cortiña, de so 3 días, pero non paramos. Fixemos moitas artistadas, incluso en inglés coa teacher, coa que reciclamos unhas botellas de plástico para facer unha cousa chulísima que é un segredo. Ademais, á nosa planta Pepita chegoulle unha amiga á que chamamos Juanita: están as dúas preciosas!! Rematamos esta semana cun consello de nenos no que Andrea, Mael e Dylan, nos representaron de marabilla!

A semana do 8 ao 12 de maio estivo chea de artistadas de primavera e de picnics no patio. Fixemos un paseo ata o río a buscar auga, para unha charquiña de cágados que fixeron os compis da clase da profe Jeni. Tamén comezamos unha sorpresa para o día da familia. E todo isto sen deixar de traballar cos números, coas letras, coa música... e tamén co corpo, que ata podedes ver un pouquiño do moito que traballamos na clase de psicomotricidade. 

Este vídeo é un pouco máis longo, pero e que a semana do 15 ao 19 foi moi especial. Rematamos as sorpresas para as nosas familias, que son as mellores do mundo! Desfrutamos de contadas chulísimas, que prepararon compis de outras clases; investigamos a Don Paco, o protagonista do día das letras galegas e rematamos a semana cunha visita moi especial: puidemos tocar a serea do coche da poli!! No vídeo podedes ver como cada día somos máis autónomos traballando e cada día aprendemos máis!

A semana do 22 ao 26 de maio rematámola coa festa do galego, na que todo o cole fixemos unha andaina ata A Pradeira, que rematou cun super concerto (xa vos ensinaremos no blog de Arnaldo o ben que o pasamos!).

Foi unha semana na que traballamos un montón e seguimos experimentando con novos materiais, coma o barro, que nos encanta, e descubrimos que tamén serve para pintar! As letras dos nosos nomes son as que máis nos motivan, cada día controlámolas máis e facemos moitos xogos con elas.

Ademais das diferentes propostas que temos cada día, esta semana fixemos moitas artistadas, porque imos preparado cousiñas para final de curso, e tamén fixemos un super cadro con arte RqueR porque os super erres aproveitan todo, e nós, neste cadro, pegamos moitas cousas de cartón que xuntamos durante o curso e despois pintámolo líbremente: encantounos!!! Fixémolo moi concentrados e relaxados... e moi cantarines!! Rematámolo para celebrar o día do medio ambiente.

 

MAIO CARGADIÑO DE ANIVERSARIOS

Na clase dos peques, pouco a pouco, todos van cumprindo 4 anos. No que levamos de mes xa celebramos que tres compis estiveron de aniversario: que mes tan completo!!!

E como os días importantes hai que celebralos e compartilos cos compis, iso facemos, e pasámolo pipa festexando que Xavi, Theo e Artai xa teñen 4 anos!!!

O MES DE ABRIL DOS PEQUES DO COLE

A semana do 11 ao 14 de abril volvemos ao cole, despois das vacacións de semana santa, e fixémolo coas pilas cargadas e con moitas ganas de seguir aprendendo. Entre outras cousas, seguimos xogando cos nosos nomes, de diferentes formas que nos divirten e nos motivan. Introducimos un xogo con pinzas da roupa: que difícil pero canto nos axuda a traballar a forza e a precisión cos nosos dediños. Tamén aprendemos a xogar ao bingo que fortalece a nosa atención e é moi divertido!!

A semana do 17 ao 21 foi a semana do libro e descubrimos moitos contos cos que contamos, cantamos, xogamos, dramatizamos: encántannos as historias!! Ademais de todo o traballo e actividades da aula fixemos dúas, moi especiais, con todos os compis do cole: "Nova vida aos libros" e o "Apadriñamento lector" (podedes ver máis no blog de Arnaldo premendo AQUÍ)

Na última semana do mes, do 24 ao 28, dedicamos moito tempo a facer traballos artísticos xogando cos números, coas cores, coas letras, coa primavera... calquera escusa é boa para manchar as mans de pintura! Algo que nos fixo desfrutar moito foi descubrir o barro e comezar a experimentar con el: encantounos!! Despedimos a semana cunha actividade moi especial que compartimos con todos os compis do cole: BASURALEZA! Entre todos limpamos carballeiras e roteiros cercanos ao cole: Super Erres en acción!! (podedes ver máis de Basuraleza no blog de Arnaldo premendo AQUÍ)

Este mes Alicia deu a súa 4ª volta ao sol e celebrámolo con ela: encántannos as festas! Parabéns Alicia!

E tamén Paula estivo de aniversario e celebramos con ela que xa ten 4 anos: parabéns Paula!

EN ABRIL....SAE O CUCO DO CUBIL!

 Ola familias! o mes de abril pasóusenos voando! Nunca mellor dito porque seguimos traballando sobre as aves:

Observamos as súas características:

Escoitamos os seus cantos:

Emparellamos as femias cos machos:

 Pintámolos con acuarelas:

Continuamos tamén co proxecto de arte de Hervé Tullet, desta vez tocou facer un campo de flores cooperativo:

Seguimos traballando as matemáticas de xeito manipulativo:

Aproveitamos todos os recursos da aula de luz para favorecer así o noso interese e aprender moito máis a gusto!

Nos recantos da aula pasámolo xenial, somos uns grandes artistas!!

Collémoslle o móbil á profe e facemos postureo...

Coa profe Bea traballamos outro cadro de Pablo Picasso:

Aproveitamos o tempo de patio para xogar, merendar e para iniciarnos na materia de xardinería, desta vez plantamos margaridas nos neumáticos que REconvertimos en xardineiras.

 

Na semana do libro: 

Apadriñamento lector:

Libro invisible:

Aproveitamos o campo de flores tan bonito que temos para deitarnos a ler ao aire libre e fixemos un marcapáxinas coas nosas fotos!

Contamos o conto de "CORVO" aos nenos de 6º e 4º, fixémolo tan ben, que seguro que repetimos a experiencia!

Para conmemorar o día da Terra organizamos unha macrobatida para acabar coa BASURALEZA!

 

Despois de tanto traballo... ben está sentarse a merendar! Iso sí, previo lavado de mans e con espectáculo animal!

 

Como non podía ser doutra maneira, encargámonos de ir recoller as xestas para protexer ó cole das bruxas! Repartímolas por todas as aulas e explicámoslles a todos os nenos e nenas do cole esta tradición tan molona.

Ata outra!