RUMBO A PRIMARIA: CANTO MEDRARON ESTES PEQUES!

Era setembro de 2014 cando 14 peques chegaban ao cole de Seixo.... e nuns meses darán o salto a primaria.
Hoxe foi un día moi especial para todos, xa vos ensinaremos fotos da entrega de orlas e diplomas: que emoción!
Os nenos levaron para casa un dvd con máis de mil fotos destes anos en infantil, pero ademais quixemos sorprendelos cun vídeo moi especial que nos emocionou e arrincou moitos sorrisos.
Queremos compartilo no blog porque tamén é un agasallo para as familias.
Grazas por confiarnos aos vosos peques: son marabillosísimos!!!! e grazas a tamén por facer tan fácil o noso traballo. Estamos moi agradecidos polos vosos agasallos que nos sorprenderon e emocionaron moito!

DESPEDIDA INFANTIL (GRADUACIÓN 2013-2016)

Despois de 3 anos, un grupo de marabillosos peques despediuse de infantil para dar un salto ao piso de arriba, e despedímolos como se merecen!

Estos peques medraron moito no seu paso por infantil, e quixemos botar a vista atrás...

Foi moi emotivo ver o moito que cambiaron estes nenos e nenas!

Mirade, mirade....

Tamén recolleron os seus traballos nunhas preciosas bolsas que eles mesmos elaboraron

Todos, con axuda da profe Bea, compartiron coas familias o moito que aprenderon sobre o Neolítico co proxecto deste ano.

Igual que xa fixeran cos compañeiros de 6º contaron, con axuda do kamishibai, todo o que aprenderon sobre o Neolítico.

E tamén ensinaron como debuxar un pretroglifo

Despois todos subimos á biblioteca a ver un vídeo moi especial e emotivo

Aquí o tedes para desfrutar con tantos recordos....

Despois chegou un momento moi especial no que o dire adicou unhas palabras aos peques que tan ben remataron o seu paso por infantil. 

As familias estaban tan emocionadas como as profes!

Cada un recibiu, de mans da profe Bea, o seu diploma e unha orla de recordo 

Mirade que graduados e graduadas tan estupendos!

Este foi o diploma que todos recibiron:

E esta a orla de recordo con todos os compis de infantil, xunto coa profe Bea e a profe Ana

As dúas quedaron moi emocionadas e sorprendidas polo super agasallo dos peques e das familias... mil grazas a todos!

E rematamos cunha rica merenda e un super baile no que os peques foron os DJs ;)

Claudia, Cloe, Pablo, Hugo, Rubén, Pedro, Irene, Manuela, Óscar, Sofía, Abel, Eva, Uxía, Noelia, Lucía, Alberto, Carmen e Sara: que sexades moi felices... canto vos imos botar de menos! 

Visitádenos moito no patio ;)

OS DE 5 ANOS MARCHAN A PRIMARIA!

Os peques da clase de 5 anos remataron o seu tempo en infantil... e xa suben ao piso de arriba... que maiores sodes... non vos olvidedes de vir polo patio a visitarnos!