luns, 5 de decembro de 2022

ADEUS NOVEMBRO!

Os máis peques do cole despiden novembro con moita enerxía e felices polo ben que o aproveitaron e o moito que aprenderon con todos os compis.
Seguimos gañando autonomía e seguridade no día a día, xogando e aprendendo coas letras, cos números, coas formas, coas cores... traballando moito coas mans para gañar forza e destreza... correndo, saltando... cantando, bailando, pintando e creando, investigando... por suposto, sempre xogando, que é como mellor se aprende.
Así foi a semana do 14 ao 18 de novembro... que gustazo cando a chuvia nos da tregua para aproveitar o patio ao máximo!

 

Do 21 ao 25 de novembro, ademais de seguir traballando na aula cos compis, dedicamos momentos especiais a preparar o 25N con contos, obras de arte e outras dinámicas para entender e berrar ben forte: STOP VIOLENCIA! porque o que nos gusta é o bo trato!

  

Do 28 de novembro ao 2 de decembro, entre outras cousas, celebramos o mes da ciencia facendo un experimento na aula de arte: atopamos un tesouro!
  

Xa comezamos decembro e estamos desexando desfrutar este mes tan especial cheo de maxia... e Pupi vaino desfrutar con nós!!

domingo, 4 de decembro de 2022

PROXECTO DO CORPO ...

Os nenos e nenas de 4 anos estamos inmersos no proxecto do corpo humano. Estivemos investigando sobre a función do esqueleto e o nome dalgúns osos. Puxémonos mans a obra e elaboramos o noso propio esqueleto.

Primeiro pintamos os rolos de papel de cartón de cor branco e compuxemos o esqueleto.

Despois escribimos o nome dos principais osos do corpo.

Colocamos cada nome no seu oso.



Estivemos falando do que nos pasa cando rompemos un oso e como facemos para curar. Fixemos a radiografía das nosas mans.

 Somos uns grans artistas

 Estreamos uns crebacabezas magnéticos do corpo humano (músculos, esqueleto, aparato circulatorio, dixestivo e partes do corpo) A verdade que nos encanta!!!

  Algúns dos traballiños que fixemos

 Traballamos a conciencia fonolóxica



Facemos series de Samaín:


Xogamos a un Xogo de Memoria cos elementos de outono. Consiste en intentar memorizar os elementos de outono que aparecen nos círculos. Colocamos unha plantilla na landra e deixamos uns segundos para que o memoricen. Despois, quitamos  a plantilla e os nenos e nenas teñen que colocar na landra os elementos correctos.

Xogamos coas formas xeométricas (círculo, cadrado, triángulo, rectángulo e semicírculo):

Xogamos ao Dominó do outono (primeiro en gran grupo e despois en pequenos grupos):

Coa profe Bea seguimos facendo cousas chulísimas de grafismo creativo:
Algunha das novas propostas

Polo 25N fixemos unha asemblea moi produtiva sobre as cousas que non se poden facer e cales si. Temos moi claro que non queremos VIOLENCIA. Fixemos uns sinais de prohibido violencia.

SE NOVEMBRO COMEZA BEN... NADA HAI QUE TEMER!

  Ola familias! Como ben dí o refrán, novembro comezou cunha actividade moi especial na que o pasamos en grande! Os bombeiros forestais viñeron cos seus camións, mangueiras, ferramentas e elementos naturais para amosárnolos. Canto aprendemos e desfrutamos!!










Continuamos preparando o MAGOSTO, para iso traballamos moitísimo, facendo o noso portacastañas e un mural para ambientar a festa.



 

Aínda que nos gusta moito a festa... tamén traballamos moito, ollade:

Xogamos ao cinquillo, con estas cartas identificamos cantidades e asociámolas ao seu número, seguimos a serie numérica, clasificamos por formas, respectamos a quenda de xogo...

 

Traballamos os corpos xeométricos, falamos das formas das bases de cada corpo, do números de lados que teñen e da súa forma, aprendemos o nome dalgún deles, comparámoos con obxectos do contorno...

Xogamos a o xogo matemático de BICHOS, o obxectivo do xogo é facer a suma dos números que saen nos dados e despois buscar a cantidade que corresponde nas fichas que están dadas a volta, polo que ademais de sumar bichos, temos que recordar a cantidade que había en cada ficha para acertar co resultado.


Facemos agrupamentos según cantidades:


Bob Esponxa axúdanos a atopar os números que se escaparon do seu lugar:


Ademais encántanos escribir na pizarra branca, escribimos o nome dos compañeiros en minis, realizamos a grafía dos números seguindo a direccionalidade correcta, completamos as casas das decenas:

Traballamos a conciencia fonolóxica poñendo a pinza nos debuxos que comezan pola letra indicada:



Coa profe Bea tamén reforzamos este traballo buscando elementos da aula que empecen por estas letras, o que nos sirve para despois facer un xeroglífico para descubrir unha mensaxe secreta:


Encántanos saír coa profe Bea, sempre nos ten preparadas actividades que nos motivan un montón:



Os venres subimos a biblioteca, facemos a devolución dos libros prestados e un novo préstamo para a fin de semana, ademáis aproveitamos para contar un conto e despois facer os debuxos:

 O día 22 de novembro celebramos o día da música, e tivemos a sorte de recibir a banda de música de Marín, que nos ofreceu un concerto en exclusiva, aprendemos o nome dos instrumentos e gozamos das pezas mais divertidas:

 

Polo 25N traballamos os estereotipos cun xogo chamado IGUAIS, é un memori no que tiñamos que emparexar aos nenos que estaban a xogar ao mesmo. Temos a sorte de vivir nunha época que iso de que as nenas xogan as muñecas e os nenos a pelota xa non é así, polo que nos custa moitísimo entender porque os nenos e as nenas non poden xogar a todo que lles apeteza, iso é bo sinal!! Ademais, traballamos o sinal de prohibido, onde escribimos os malos tratos que non se poden facer.

 

 Por suposto seguimos traballando de xeito libre nos recantos, onde facemos auténticas marabillas:
 





Ademais este mes celebramos os aniversarios de Shayla e Martín, agora sí que xa somos todos de 5!!