O ARTE DE EMOCIONARTE

 Durante o mes de febreiro a  profe de prácticas Adela traballou connosco as emocións. Reflexionamos sobre as mesmas, os sentimentos, a forma de actuar cos amigos/ as, como nos gusta que nos traten e como debemos tratar aos demais ,cal é a mellor maneira de resolver os conflitos... A  profe Adela ensinounos o libro "O  emocionómetro do inspector  Drilo"  e fixemos un diario das emocións no cal fomos apuntando como nos sentimos durante ese día exteriorizando así os seus sentimentos.

Tamén vimos varios cadros de diferentes pintores e debatemos sobre que emocións nos transmitían, as identificamos e as traballamos. Reflexionamos sobre que cousas ou situacións fannos estar contentos, tristes, enfadados... 

 Xogamos ao bingo das emocións

E reproducimos as obras de arte presentadas   empregando diferentes técnicas plásticas : pintura con xeos, grafismo creativo, dripping...

XANEIRO EN 5 ANOS

 En 5 anos empezamos o ano da  mellor maneira posible: con agasallos!!!!. Papá Noel e os Reis Magos deixáronnos na aula uns agasallos  chulísimos.  E sabedes por que? Por que fomos moi bos e portámonos moi ben!!!

 Neste primeiro mes do ano tamén celebramos os aniversarios de Sergio, Tomé e Raquel (os maiores da clase) e tamén o de Hugo que cumpriu os 5 anos nas vacacións de Nadal.

 Traballamos, xogamos e aprendimos moitas cousas aínda que o máis importante é que nos divertimos e disfrutamos. Algunhas das actividades que fixemos estes días foron as seguintes:

- Traballamos o inverno: simetrías, lectoescritura, contos, prendas de roupa, paisaxes, cores frías e cálidas, temperatura...

Aproveitando as baixas temperaturas que temos cando chegamos ao cole anotamos a temperatura do exterior e a comparamos coa que temos na clase e a nosa corporal.

- Festexamos o Día da Paz:

- Investigamos sobre os polos: aproveitando a visita que tivemos no cole do planetario vimos cómo é o noso planeta terra, os continentes, coñecimos un pouco o sistema solar, onde están situados os polos e algúns animais que viven neles.

- Xogamos nos diferentes recunchos da aula e fomos a pizarra dixital:

- E continuamos coa mochila viaxeira:

A TODA MARCHA NA CLASE DE 3 ANOS

 A volta das vacacións de Nadal atopámonos cuns agasallos que nos deixaron os Reis Magos. A verdade que acertaron porque nos gustan moito.

Despois de xogar libremente tamén o fixemos en gran grupo a través dun xogo de ditado de formas. Tamén ordenamos as formas polo seu tamaño, creamos cículos con dous semicírculos,...

Como cambiamos de estación decidimos decorar a porta de clase con motivos de inverno.

 

Continuamos traballando o noso nome. Nesta ocasión fixemos uns bonecos de neve estampando cunha pataca.

 

 

Fixemos algúns traballiños: do cadrado, do noso nome, as partes da cara, a letra A pola que comeza o nome dalgúns compañeiros.

 

Tamén estamos traballando a orientación espacial a través deste xogo.

Traballamos a lectoescritura e grafomotricidade.

Picamos con punzón (primeiro libremente e despois de forma dirixida, seguindo un recorrido)

Aprendemos a xogar ao memori.

Tivemos a sorte de que a profe Ana mais Esteban nos fixeron unha sesión de titeres.

Con esforzo e a través do ensaio-erro todo se consegue,...

Intentamos coser un poquiño pero aínda é un pouco difícil...

Como xa sabedes para conmemorar o Día da Paz celebramos a III Carreira Solidaria para colaborar cos mais desfavorecidos.

Os mais pequenos axudamos a colocar os produtos recaudados no expositor.

 Gústanos moito contar os contos no patio

 Comezamos coa horta do cole. Primeiro axudamos a preparar os bancais. Polo momento plantamos cebolas.

Por suposto, damos renda solta a nosa creatividade sempre que podemos mentras escoitamos música clásica.

Aprendemos xogando!!!

Gozamos deste fantástico patio!!!