FACÉMONOS MAIORES

Un fantástico grupo de 10 nenos e nenas rematamos este ano unha etapa moi especial, despois de 3 anos en infantil o próximo curso daremos o salto a primaria!

Así de guapos nos puxemos para este acto tan importante no noso cole... A profe Reme e a profe Sandra foron as encargadas do vestiario...

Non quixemos perder a oportunidade de facernos unha foto de grupo coa nosa profe Reme...

E chegou o momento de recibir as nosas orlas de graduacións...

A nosa profe Reme dedicounas unhas palabras moi bonitas...

E quixemos darlle a ela e a profe Sandra uns agasallos para que se lembren de nós...

A verdade e que medramos un montón! Mirade o cambio dende que chegamos á clase de 3 anos ata que rematamos agora na clase de 5 anos!

Desfrutade moito o verán, vémonos en setembro, as profes de infantil estaremos esperando as vosas visitas!

ACHÉGASE A FIN DO CURSO

 Ola familias!!

    Co curso a piques de rematar non queríamos deixar de ensinarvos todo o que seguimos aprendendo, gozando, observando e coñecendo no noso día a día.

    Continuamos descubrindo os bechos que habitan na contorna do cole e cales son as súas características. Ademais, temos un conserxe xenial, Vilas, que case sempre ten algún para nos e nolo trae para que poidamos velo:

    Tamén seguimos co coidado dos nosos vermes, que medraron un montón, e xusto hoxe, cando pensábamos que non nos daría tempo a velo... SORPRESA!! Un deles decidiu facer o seu casulo!

    Pero todos estes descubrimentos son, en parte, grazas a marabillosa contorna que temos, somos uns e unhas privilexiadas!! É por iso que podemos aprender sobre a flora e a fauna en vivo e en directo facendo pequenas saídas polos arredores, xogar nos diferentes patios que temos, merendar a sombra das árbores e regarnos un pouquiño, si si o que leedes, regarnos...

    Todo nos serve para aprender e progresar, ata as cousas que nos semellan máis simples...

    E mesmo descubrimos outras formas de expresión máis artísticas, a través do grafismo creativo, ou da luz negra, coa cal vimos que estando a oscuras e so con esa luz... os nosos debuxos e algunhas das nosas vestimentas brillaban na oscuridade!!

    Pero iso non é todo, porque tamén aprendemos divertíndonos nas nosas clases de psicomotricidade. A profe Sandra sempre nos trae xogos e actividades moi chulas, tanto que xa sabemos que os luns nos toca con ela, e asaltámola no recreo para que nos conte que imos a facer.

Aquí estábamos con xogos populares: 

    Por último, e como sabemos que a curiosidade vos inunda... velaquí as imaxes da nosa saída a praia! Que disfrutamos e xogamos ata non poder máis foi un feito, de seguro que máis de un de nos botou unha boa sesta a que si?

Queda pouquiño para rematar pero mentres... a traballar!!

 Ola familias!! 

Que ben o pasamos esta semana, e canto aprendemos!! mirade!

 A profe fíxonos un debuxo na pizarra... que hai aí agachado??

 O número dous!!

Fixemos unha ficha na que tivemos que buscar o dous nun debuxo e repasar a súa grafía.

Na nosa visita semanal a Arnaldo seguimos desfrutando e aprendendo cos puzzles e xogos de mesa.

Descubrimos un areeiro enorme no patio de primaria... que ben o pasamos á sombriña!!

 No recuncho de lectoescritura incorporamos unha actividade sensorial para realizar as grafías das letras, en primeiro lugar repasamos co dedo a letra elixida, despois facémola co dedo na bandexa de pan raiado e despois coa tiza na pizarra, sáenos xenial!

 

Na mesa sensorial trocamos o arroz por... Lentellas!! un furor!!

Nos momentos de xogo libre somos moi creativos... e ademáis gústanos moito ser papás e mamás...

No obradoiro de luz, repasamos as cousas que aprendemos sobre o feto, e vimos as nosas ecografías.

 Tamén xogamos un pouquiño coa luz negra que nos chifla!!

 Aproveitamos o bo tempo para sacar os xogos de mesa fora da aula. Esta semana xogamos a un xogo de bolboretas no que traballamos a observación, atención e reacción.

 

Rematamos a semana con sesión maquillaxe, hoxe cada un elixiu un número para poñer na fronte, e ademáis representamos cos dedos a súa cantidade.

Ata outra!!!!

LUZ NEGRA

 Debuxar con luz negra é algo absolutamente fascinante que vos animamos a probar a todos!!! 

Semana curta pero ben aproveitada!

 Ola familias!! Aquí vos deixo as novidades desta semana que foi curta pero deu para moito! Ollade:

Vivimos co noso corpo a direccionalidade do número dous:

Empregamos os animais contadores para asociar número e cantidade:

Esta semana aproveitamos o recurso da luz negra e a mesa de luz para seguir traballando o noso nome:

Saímos fóra do centro para observar a unha egua e ao seu potriño, que estaban nunha finca ao lado do cole:

Estamos habituando a facer sesión pintacara... esta semana flores!!!

Semana de Galicia!

 Ola familias!!

 Comezamos a semana con sesión espectáculo. TARABELOS obsequiounos coa obra: "O traxe novo do rei". Estivemos moi atentos e gustounos moito!!

 

 

Gústanos moito bailar, esta semana toca música en galego, aprendemos a canción de Meu o mundo é de Paco Nogueiras:

 

 

Aquí vos deixo o enlace porque a estos peques encántalle!!

Seguimos coa festa das letras galegas, subimos ao salonciño do cole e coñecemos a persoa a que se lle dedica este ano as letras galegas: XELA ARIAS.

 

 

Fixemos unha ficha na que puxemos o seu nome, ademáis de coñecer un pouco máis a nosa comunidade. Pintamos a provincia de Lugo, porque foi onde naceu Xela.

Pintámonos a bandeira de Galicia porque somos galegos!!!

 

En psicomotricidade xogamos a tirar da corda...temos moita forza!!

Seguimos co proxecto de Jackson Pollock, desta vez tocounos... disparar pintura!!

 

Preparamos o título das nosas obras empregando a técnica do punteado cos rotus Dots, que serven para facer puntiños... e tamén salpican pintura!

Xogos novos na aula... que ilusión nos espertan!

 

Non nos esquecemos do obradoiro de LITERARTE, esta semana aproveitamos o conto "El sol llega tarde" para decorar a nosa porta da aula, mirade que chula nos quedou!

Déixovos por aquí o enlace do conto que temos no blogue de Arnaldo: 

E non vos perdades radio faladoiro no blogue de Arnaldo:

http://aspegadasdearnaldo.blogspot.com/ 

E por último.. a sorpresa que tiñamos agochada dende hai varias semanas... o agasallo para as nosas familias!! Estes pequech@s decoraron e plantaron sementes de pensamentos que están a agromar agora, esperemos que pronto nazcan flores ben bonitas e así decoren as vosas casas!