PROXECTO POR QUE CHOVE? (I)

Todos os días, na asemblea que facemos cando chegamos á clase, observamos o tempo. A semana pasada tivemos varios pasados por auga, e comezaron a xurdir preguntas sobre a orixe da choiva, e non tiñamos nada claro de onde vén a auga que cae do ceo, así que entre todos decidimos comezar este curso cun proxecto que esperamos que nos dea resposta a esta gran pregunta: POR QUE CHOVE?

Unha vez que decidimos investigar o tema da choiva comezou o noso proxecto. Convertímonos de novo en investigadores cos nosos novos carnés e solicitamos a vosa axuda. 

Comezamos a montar o noso recuncho sobre a choiva e elaboramos o mural sobre que sabemos sobre a choiva, que é o que queremos saber? e onde podemos buscar a información?

Cada día que pasa temos o recuncho máis cheo de información¡¡¡