FELIZ ANIVERSARIO VERA!!!

 O pasado mes de xaneiro cumpriu anos a nosa compañeira Vera que foi a primeira en celebrar o seu quinto aniversario. Moitos parabéns compañeira e esperamos que o pasaras estupendamente!!!

PARABÉNS HAIZEA!

Este venres celebramos que Haizea cumple 4 anos!

A súa coroa quedou chulísima porque a fixo con moita ilusión e concentración, e coa axuda dos seus compis.

Celebramos a vida de Haizea con moita alegría e a acompañamos cantándolle nas súas 4 voltas ao sol.

Haizea ten 4 aniños: que emoción!

En cada volta ao sol vimos como Haizea foi medrando dende o día que naceu que estaba tan lindiña no colo da súa mamá.

Sempre queremos volver a ver as fotos unha e outra vez, recordando historias de cando éramos máis peques.

Por suposto Haizea pintou e decorou a súa letra para a parede das iniciais á que xa lle falta pouco para estar completa.

Mirade que alegre e colorida, Haizea colleu unha caracola, das caixas sensoriais, así que a súa letra ten un elemento natural: quedoulle preciosa!

Todos compartimos unha merenda especial con gusanitos e un biscoito delicioso que Haizea trouxo para todos.

E si hai biscoito.... non poden faltar as velas e as cancións!!!

E por suposto, si hai festa, non poden faltar os xogos e os bailes!! Descubrimos unha canción moi bailonga do cumple de Pocoyo e bailámola con mooooita enerxía (que temos moita acumulada de non poder sair ao patio con tanta chuvia!!)

Así de chula vai quedando a parede na que xa luce a H de Haizea. por suposto todos deixamos a nosa pegada no seu agasallo.

Parabéns Haizea!!!

SANDRA....ÚLTIMO DÍA

Estamos moi tristes porque a profe Sandra xa non está, agora ten que estudiar moito para volver a este cole. 

Grazas profe Sandra, polo cariño e atención que nos prestaches, polas túas clases de psicomotricidade tan divertidas, e polo regalo tan chulo que nos fixeches. 

Botámoste de menos....non te olvides de nós......!!!

XOGOS EN PSICOMOTRICIDADE

     Nas clases de psicomotricidade, fixemos coa profe Sandra, xogos con panos,  carreiras con pelotas canguro, e tamén xogos con números. Pasámolo moi ben....sempre estamos esperando que chegue o luns, para poder disfrutar destes xogos.

CONVIVENCIA COA GALIÑA AZUL

Comezamos esta semana cunha visita moi especial: a dos nosos veciños! Si, si, os nenos e nenas da Galiña Azul estiveron no noso cole, que xa nos apetecía moito vernos máis de cerca e poder xogar xuntos. 

Por suposto tiñamos todo preparado para ser uns excelentes anfitrións! Os da clase de 3 anos e Arnaldo recibiron aos pequerrechos, cos que fixeron unha actividade musical. Grazas a nosa profe de música, Luz, todos estes peques de 2 e 3 anos se convertiron nunha gran orquestra. Mirade neste vídeo que ben o fixeron!!

Despois baixaron ata a clase de 4 anos onde fixeron un sinxelo obradoiro plástico.

Coa gran axuda dos nenos e nenas da clase de 4, cada un fixo un títere de Arnaldo para non olvidar a mascota de Seixo que tanto queremos.

Traballaron moi concentrados e axudándose uns aos outros: daba gusto velos!!

Despois foron a xunto dos nenos e nenas da clase de 5 anos que os agardaban cun montón de contos.

En parellas ou pequenos grupos, estiveron no patio lendo.

Foi un momento moi especial compartindo e coñecéndose rodeados de contos!

E por suposto non podía faltar unha rica merenda que compartimos no patio. Seguro que quedastes con ganas de ver máis fotos, verdade? Pois aquí vos deixamos un resumo de todo o que fixeron.

O remate final foi un tempo de xogo libre no patio, os da Galiña estaban desexando xogar no noso marabilloso patio que sempre ven dende o outro lado da ventá e pasámolo pipa: unha maña estupenda!

Volvede pronto a visitarnos!!!

ROSALÍA NA CLASE DE 3 ANOS

No mes de febreiro celebramos o día de Rosalía, e queremos que dende pequenos os peques coñezan a súa obra e o importante que foi para a nosa lingua. Por iso, de forma especial, limos poemas seus, escoitamos cancións relacionadas coa súa vida.... e entre todos fixemos este mural tan chulo!

Para facelo primeiro pintamos retratos de Rosalía con témperas de barra: cada un elexiu 3 cores para pintala. 

Despois, con axuda da profe, recortamos as letras do seu nome... cada día nos gusta máis practicar coas tesoiras e imos collendo precisión!

Despois clasificamos as letras en botes e xogamos con elas pensando diferentes palabras que comezan co mesmo son.

E despois tocounos facer un traballo moi laborioso no que tivemos que estar moi concentrados. Despois de ver como se escribía o nome de Rosalía, con 7 letras, tivemos que buscalas e pegalas en orde. 

E como despedida vos deixamos unha canción de Rosalía que nestos días usamos para relaxarnos e que sonou de fondo durante este traballo que requería moita concentración... esforzámonos moito e por iso o mural quedou tan requetechulo! 

FELIZ ANIVERSARIO PATRICIA !!!

        Neste mes de febreiro tivemos de aniversario a Patricia, que xa cumpriu 6 anos. Fixo a súa coroa axudada polos seus compis, e soprou as 6 velas máxicas que o apagalas volvíanse a encender. Foi moi divertido...!!! Todos desexamos que tiveras un día moi feliz...