Entroidando!!!

Ola familias!! Aquí vos amosamos as fotos desta semana tan movidiña, traballamos a tope!!!

Comezamos montando os nosos petos de bebés, probámolos para axustalos ao noso corpo e despois eliximos os botóns que máis nos gustaban para decoralo.

Seguimos buscando as letras do noso nome para compoñelo no babeiro.

Adornamos o peto coas pegadas dun bebé:

Pintamos un biberón e un chupete.

Tamén tivemos tempo para pasar polo photocall...

Divertímonos nos recreos...
 

Pintamos máscaras...

Investigamos sobre o entroido galego... desta vez descubrimos a uns personaxes moi atractivos... os peliqueiros!

 

E agora o que todos estabades esperando... a presentación dos bebés de tres anos:

Estabamos todos moi contentos, por fin podíamos poñer o noso disfraz e xogar con él!

E agora gozade destas merecidas minivacacións!!

ANIVERSARIO DE FEBREIRO

O luns a nosa compañeira, Yadira, estivo de aniversario! É a maior da clase! Moitísimos parabéns Yadira, xa tes 6 aniños!

Preparándonos para o Entroido...

 Ola familias!

Esta semana comezamos a preparar o noso disfraz para celebrar o Entroido... pero non hai fotos... Ten que ser unha sorpresa!!

Bueno.... aquí vos deixo unha pequena pista:

 

 Traballamos a discriminación das formas xeométricas, concretamente a do triángulo, comparamolo con obxectos cotiás e asociaron a súa forma con un anaco de pizza, un tellado dunha casa, ou o logotipo de superman...

A actividade consistía en escoller un triángulo de entre todas as formas e describir as súas propiedades de grosor, cor e tamaño.

Descubrimos tamén que hai triángulos nas estradas e falamos sobre o seu significado.

Nos días de chuvia, non nos aburrimos no porche, cada equipo escolle un xogo para entreterse.

Esta semana sacamos ao pirata Patadelata e ao seu loro Ravachol, e probamos a nosa puntería para enganchar os aros nos garfios.

O venres, cando subíamos do patio topámonos cunha sorpresa no porche... O Mandadiño estaba vestido de doutor, e estaba alí para avisarnos do que viña esta semana próxima... preparádevos para o Entroido!!!