OS NENOS E NENAS DE 5 ANOS TRABALLAMOS A TOPE

Na clase de 5 anos, nótase que somos os maiores de infantil. No que levamos de curso traballamos moito!!!

 Traballamos cantidades co Lego

Traballamos a descomposición numérica cos policubos.

Orientación espacial

Cantidades (cardinais, amigos do 10, descomposicón de números ..)

 

Xogos de atención e observación

Motricidade fina: ensartando pezas e co telar.

Formas xeométricas (traballamos o cadrado, rectángulo, triángulo, rombo e iniciámonos no  trapecio, pentágono e hexágono)

Iniciamonos na suma

Sumamos cos dados e policubos

Estrenamos xogo de sumas cos paus de cores

Sumamos coas tarxetas de sumas

 Xogamos coas decenas dos autobuses do 0 ao 70

Ábaco vertical

Xogo de lóxica 

Quebracabezas

 Xogamos coas decenas, centos e miles,...

 

Lectoescritura

Xogo de conciencia fonolóxico "Botes de galletas"

Asociamos as vogais maiúsculas coas minúsculas en pedriñas.

Repasamos a grafía das vogais

Fixemos o trazo das vogais con pedras.

 

 Compoñemos palabras

 Alimentamos os esquios coas landras asociando as letras maiúsculas coas minúsculas.

Escribimos o nome dos  debuxos de imán

Na aula de luz traballamos as formas xeométricas, numeros, letras, trazos, creatividade...

Fixemos árbores de outono en plastilina

Cando houbo bo tempo saímos a merendar ao patio

Saímos á carballeira e fixemos relaxación coa profe Jeni

Leyre e Vera trouxeron ao cole as súas tartarugas e Anxo e Antón o seu gato polo "Día das mascotas".

Ímos á biblioteca a facer  o empréstito de libros e a xogar con xogos.

 

Coa profe Jeni imos á radio facemos xogos de mesa e literarte. Ademais nos preparou uns xogos de Samaín moi chulos.

Nestes meses tivemos varios  aniversarios

OUTUBRO VOOU COMO AS FOLLAS DAS ÁRBORES!!

Encántanos o outono porque está cheo de posibilidades que aproveitamos a tope, nos días de sol e tamén nos días de chuvia. Comezamos o mes traballando con moitas propostas relacionadas co outono, celebrando o día dos animais, traballando na horta, participando na radio (para felicitar a compis que están de aniversario)... e de andaina con todo o cole: moito nos gusta facer cousas cos maiores!

 

A segunda semana do mes foi unha semana cortiña pero moi ben aproveitada, na que tivemos dúas actividades especiais. Coñecemos á tartaruga de Leyre, de 5 anos, e alucinamos moito con ela! Ademais, fixemos unha actividade de cociña, que desfrutamos un montón, na que fixemos flores de mazá: estaban deliciosas!!

Os de 5º de infantil temos unha relación moi especial cos de 5º de primaria, e encántanos que nos visiten na aula, esta semana convidámolos a merendar con nós! E mentres, o outono vai voando coas nosas propostas, artistadas e xogos que cada día facemos mellor e cos que aprendemos un montón.

Na semana do 23 ao 27 celebramos o día das bibliotecas (podedes ver vídeos dese día no blog de Arnaldo premendo AQUÍ). Anxo Moure, o Carballo con botas, estivo no cole e aproveitamos para convidalo a nosa clase e darlle un agasallo moi especial: a nosa versión do seu conto da Xacia Luviñas. Alucinou co conto, cos debuxos.... emocionouse un montón!!!

Ademais subimos á biblio a buscar xogos de mesa, que nos encantan, e con eles aprendemos moitas cousas ao mesmo tempo que nos divertimos.

Tamén arrancou o Samaín e comezamos a facer cousas terroríficamente divertidas para decorar o cole.

Pero, sen dúbida, un dos días máis especiais do mes foi no que celebramos que Mael xa ten 4 anos, porque nos encanta compartir as alegrías e festexalas como merecen.

 

XA ESTAMOS EN 4 ANOS!

Xa estamos de volta, cargados de enerxía e con moitas gamas de aproveitar a tope este ano no cole. A primeira semana estivemos recuperando a confianza, recordando cousiñas prácticas, deixando a vergoña dos primeiros días... e sobre todo, acollendo a Pablo, o novo compi da clase.

 

A semana do 18 ao 22 comezamos a compartir as nosas fotos do verán e a contar algúns dos recordos das vacacións: encántanos compartir cousas cos compis! Ademais, seguimos aproveitando cada recuncho para xogar e aprender.

 

   

Na semana do 25 ao 29 recibimos o outono desfrutando no patio dun tempo soleado. En 4 anos seguimos desfrutando un montón facendo artistadas e manchando as mans.

 

   

Algo moi importante deste mes foi que celebramos o aniversario de Roi, que xa ten 4 anos!! Este curso temos novos agasallos e sorpresas para os que cumpren anos, pero coma sempre, facemos unha merenda especial e unha festa para celebrar un ano máis: que é algo moi importante!!

 

   

E tamén celebramos que Ariani estivo de aniversario.

 

 

Esperamos que desfrutásedes vendo o moito que aproveitamos estas primeiras semanas no cole. Estamos felices xuntos e pasámolo pipa xogando, aprendendo, investigando... xa temos 4 anos así que imos traballar aínda máis este ano!!

UNHA TROPA DE DESFRUTONES DESPIDEN O SEU PRIMEIRO ANO NO COLE!

Parece que foi onte cando 15 valentes nenos e nenas chegaron ao cole de Seixo cargados de nervios, e con moita ilusión, pero xa pasaron 9 meses e acaban de despedir o seu primeiro ano no cole cheos de enerxía e alegría: que tropa de desfrutones!!!

Cantas cousas especiais pasaron este mes! Ademais do traballo do día a día fixemos moitas cousas diferentes: temos moito que contar! A primeira semana, do 5 ao 9 de xuño, pasou algo moi especial: "medrou" herba no soportal!! Alucinamos un montón e desfrutamos dela dende o primeiro momento. A verdade é que todo o noso patio é un auténtico tesouro e nel vivimos moitas aventuras!!!

Pero, sen dúbida, o máis especial desa semana foi a excursión de fin de curso. Aínda que a chuvia nos fixo dubidar, puidemos aproveitar o día a tope: acuario, barco, illa.... un diazo!!! Aquí tendes un super vídeo cargado de recordos dun día inesquecible.

Na semana do 12 ao 16 puxémonos a tope a rematar as cousas da exposición. Despois de ver os peixes no Acuario, xa estábamos listos para facer os nosos peixes ao estilo de Luca Paroli: traballamos un montón e fixemos auténticas obras de arte! Esa semana tamén celebramos o día da bicicleta: un transporte 100% RqueR! (Podedes ver máis do dia da bicicleta premendo AQUÍ)

Despedimos esa semana celebrando que Ariani, Roi e Gala teñen 3 anos, e antes de comezar o próximo curso cumprirán 4. Fixemos unha festa con eles e démoslle o agasallo especial coas nosas pegadas: canto nos gustan as festas!!!

A última semana, do 19 ao 21, foron tres días cargados de actividades especiais: xogamos as finais das competicións deportivas, participamos nunha masterclass de zumba, fixemos unha despedida especial (con graduacións, merenda conxunta....). O mellor é que pasedes polo blog de Arnaldo (podedes facelo premendo no nome de cada unha das actividades). A maiores, aquí tendes algunhas imaxes nosas deses días.

A última semana celebramos que antes de rematar o mes, Eira e Dylan cumprirán 4 anos, e tamén celebramos os 3 de Saúl. Desfrutamos dunha merenda especial e dun bailoteo que tanto nos gusta.

A exposición final foi un auténtico éxito, chea de traballos incribles que podedes ver premendo AQUÍ. Todo o alumnado e o profesorado fixemos un gran esforzo para demostrar que reciclando, reutilizando.... e con todas as ERRES pódese facer arte de categoría!! Neste pequeno vídeo podedes ver o que fixemos na nosa clase: un cadro feito de cartóns vellos, os peixes ao estilo Luca Paroli e a Xacia Luviñas que nos ensinou moitas cousas.

Así versionamos o conto da Xacia Luviñas, un conto de Anxo Moure co que aprendemos como podemos coidar a natureza e tamén ás persoas que nos rodean: somos uns actorazos!!!

Oxalá este curso deixe en cada peque unha pegada tan grande coma na mestra!!!

O ano que ven máis e mellor!!

O 3º TRIMESTRE NA CLASE DE 4 ANOS

 Neste último trimestre estivemos traballando o proxecto "Os Golfiños".

 Coa chegada da primavera introducimos propostas novas.

Polo Día do libro elaboramos uns marcapáxinas moi especiais!

 

Tamén polo Día do Libro contamos o conto da "Eiruga larpeira" co Kamishibai que preparamos coa profe Bea.

 Por suposto, fixemos a nosa propia bolboreta que como no conto saíu do seu casulo.

Polo Día das Letras Galegas fixemos uns xogos para coñecer a Francisco Fernández del Riego e fixemos un retrato del. Ademais elaboramos uns carteis con palabras en galego relacionadas coa natureza que empregamos na andaina pola lingua que fixemos ata A Pradeira.

 

 

 Investigamos a unha artista moi especial, Judith Scott coñecida como a muller araña.

 

Aprendemos xogando

Conciencia fonolóxica 

Escaleira dos números de Bob Esponxa ata o número 50.

Xogamos coas casiñas do 0, do 10, 20 e 30.

Ordenamos as cartas dos pauciños.

Xogamos coas cartas dos animais.

Repasamos letras e números

Xogamos coas pedras de cores a facer formas xeométricas

Decoramos letras dobres

Xogamos na aula de luz

Xogamos coa plasti a facer letras

Para conmemorar o Día da familia  plantamos amorodos para regalarlles as nosas familias.

Elaboramos a nosa propia escultura con material de refugallo.

Fomos de excursión de fin de curso

Celebramos o Día da bici no cole.

 

Celebramos os aniversarios de Zeltia, Sabela, Anxo Riveiro, Antón e Anxo Ave.

 

BOAS VACACIÓNS. 

VÉMONOS EN SETEMBRO!