Xa vos contamos AQUÍ que os peques da clase de 5 anos estamos experimentando coa robótica grazas a BEEBOT.
Encántanos que Beebot nos visite porque estamos desfrutando e descubrindo moitas posibilidades de traballo que nos ofrece, E como queremos tanto a esta abelliña, decidimos poñela moi guapa!
Cada un fíxolle un disfraz que Beebot luciu nun gran desfile.
Pasámolo fenomenal vendo os deseños de todos os compis... rimos un montón!
Cada día somos máis expertos en programar os movementos de Beebot!
Os peques do cole teñen moita enerxía, e na hora de psicomotricidade non desperdician nin un segundo de actividade física... por iso, antes de marchar para casa, baixamos marchas e relaxámonos un pouco: música tranquila e masaxes compartidos.
Os máis pequechos do cole queren presentarse. Este ano comezan a súa andaina polo cole de Seixo 8 nenos e nenas cheos de enerxía e ganas de pasalo ben... a que son guapos?
Xa nos imos coñecendo e sabemos que unha das cousas que lle encantan a estos nenos e nenas son os contos... que alegría porque na nosa biblio temos moitos que estan desexando ser contados!
Os nenos e nenas da clase do profe Jorge queremos darvos a benvida a este curso. Este verán crecemos un montón e.... somos os maiores do piso de abaixo! ;)
Tivemos unha visita moi especial....
...alguén que nos vai acompañar todo o curso!
Beebot veuse presentar... é unha pequena abella, pero non unha calquera das que andan voando entre as flores!
Beebot é un pequeno robot co que aprenderemos moitas cousas este curso: a linguaxe direccional, xiros, lateralidade e moitos outros conceptos que practicaremos xogando con esta simpética abelliña!
Encantounos e estivemos moi concentrados para aprender como funciona.
Practicamos moito como darlle ordes para que se mova ata donde lle mandemos ir.
Temos que practicar moito porque non é tan sinxelo como parece: robótica, programación... que palabras tan complicadas!
Despois de 3 anos, un grupo de marabillosos peques despediuse de infantil para dar un salto ao piso de arriba, e despedímolos como se merecen!
Estos peques medraron moito no seu paso por infantil, e quixemos botar a vista atrás...
Foi moi emotivo ver o moito que cambiaron estes nenos e nenas!
Mirade, mirade....
Tamén recolleron os seus traballos nunhas preciosas bolsas que eles mesmos elaboraron
Todos, con axuda da profe Bea, compartiron coas familias o moito que aprenderon sobre o Neolítico co proxecto deste ano.
Igual que xa fixeran cos compañeiros de 6º contaron, con axuda do kamishibai, todo o que aprenderon sobre o Neolítico.
E tamén ensinaron como debuxar un pretroglifo
Despois todos subimos á biblioteca a ver un vídeo moi especial e emotivo
Aquí o tedes para desfrutar con tantos recordos....
Despois chegou un momento moi especial no que o dire adicou unhas palabras aos peques que tan ben remataron o seu paso por infantil.
As familias estaban tan emocionadas como as profes!
Cada un recibiu, de mans da profe Bea, o seu diploma e unha orla de recordo
Mirade que graduados e graduadas tan estupendos!
Este foi o diploma que todos recibiron:
E esta a orla de recordo con todos os compis de infantil, xunto coa profe Bea e a profe Ana
As dúas quedaron moi emocionadas e sorprendidas polo super agasallo dos peques e das familias... mil grazas a todos!
E rematamos cunha rica merenda e un super baile no que os peques foron os DJs ;)
Claudia, Cloe, Pablo, Hugo, Rubén, Pedro, Irene, Manuela, Óscar, Sofía, Abel, Eva, Uxía, Noelia, Lucía, Alberto, Carmen e Sara: que sexades moi felices... canto vos imos botar de menos!
