venres, 29 de xaneiro de 2021

MULLERES POLA PAZ

Ola familias! Esta semana foi a semana da Paz, e dende o CEIP de Seixo decidiuse conmemorar este día facendo un traballo onde cada aula escollese unha muller que fose galardoada co Premio Nobel da Paz.

A clase de 5 anos escollemos a Shirin Ebadi que recibiu este Premio Nobel no ano 2003. Primeiro, falamos sobre que é a Paz, que significa e, o máis importante, averiguamos que era este premio. Algúns nenos dicían que era un trofeo con forma de paloma. Logo, coa axuda de internet, comprobamos que foi un premio creado por Alfred Bernhard Nobel e que se lle entrega a persoas que loitan pacíficamente polos dereitos humanos e promoven a paz no mundo. 

Despois de averiguar que era este premio, comezamos a buscar información sobre Shirin Ebadi. Vimos que era unha muller Iraní, polo que, coa axuda de Arnaldo, consultamos un par de Atlas do mundo para saber onde está situado este país que non coñecíamos. 



Tamén descubrimos a que se dedica Shirin, e sabemos que é avogada, escritora e activista que defende os dereitos humanos e, especialmente, a igualdade entre homes e mulleres. 

Xa cando tiñamos toda esta información, coloreamos a imaxe de Shirin, a bandeira do seu país, e escribimos con selos de letras unha frase que ela dixo para, posteriormente, pegala no mapa mundi do cole onde figuran todas as mulleres galardoadas co Premio Nobel da Paz. 

Aquí tedes algunas fotos do proceso: 












Pero isto non foi todo, ao longo da semana, na hora de ler, aproveitamos para ver e ler contos relacionados coa paz como: “Me llamo Paz”, “Por qué”, “A mellor sopa do mundo”, “Qué maleducado” e vídeos de YouTube como “Historia de punto”, “La disputa de los colores” entre outros...







Ningún comentario:

Publicar un comentario