Ola familias! Xa andamos operativos, e coa volta ao cole, comezamos a traballar esta época do ano no que vai tantísimo frío.
Primeiro, vimos o conto “El invierno” para coñecer características sobre esta estación. Tamén visionamos en youtube vídeos sobre a vestimenta, climatoloxía, e tamén falamos sobre cales son as cores do inverno: as cores frías como os azuis, violetas...
Despois, fixemos unha folerpa de neve empregando cola branca e sal. Unha vez seco, cun pouquiño de auga e acuarelas cada neno/a pintou cadansúa folerpa... a sal absorbía a cor! Foi moi divertido realizar esta actividade!
Iso si... tamén tivemos algún que outro problema, porque coa humidade que houbo estes días molláronse as nosas creacións!
Ademais desta actividade plástica, tamén realizamos outra de grafomotricidade, aprendendo así a debuxar folerpas de neve.
E unha delas fixémola utilizando o ordenador de aula! Moito nos gusta realizar actividades no ordenador.
Outra actividade foi de lóxica-matemática: tiñamos que emparellar folerpas de neve coma estas.
Xogamos ao xogo do Dobble, onde hai que encontrar un elemento (neste caso un elemento relacionado co inverno) en común entre dúas cartas.
E tamén realizamos actividades de vocabulario e lectoescritura sobre esta época do ano, pero desta vez, mediante unhas fichas.
Ningún comentario:
Publicar un comentario